తెలంగాణ లో ఎన్నికల షెడ్యూల్ విడుదల

తెలంగాణాలో ఎన్నికల షెడ్యూల్ విడుదలైంది.. ఒకే దశలో ఎన్నికలు జరగనున్నాయి. నాలుగు రాష్ట్రాలతోపాటు తెలంగాణకు కూడా ఎన్నికల షెడ్యూలు ఈ రోజు ప్రకటించారు.రావత్ తెలిపిన వివరాల ప్రకారం,డిసెంబర్ 7న తెలంగాణలో ఒకే దశలో పోలింగ్ జరుగుతుంది. డిసెంబర్ 11న కౌంటింగ్ జరిపి ఫలితాలు వెల్లడిస్తారు. రాజస్థాన్ ఎన్నికలు కూడా డిసెంబర్ 7నే జరిపి, 11న కౌంటింగ్ నిర్వహిస్తారు. నవంబర్ 12న నోటిఫికేషన్ వస్తుంది. తెలంగాణ, రాజస్థాన్‌లలో 12 నుంచి 19 వరకు నామినేషన్లు స్వీకరిస్తారు. 20న నామినేషన్లను పరిశీలిస్తారు. ఉపసంహర గడువు 22. ఛత్తీస్‌గఢ్ ఎన్నికలు రెండు దశల్లో నవంబర్ 12న, 20న జరుగుతాయి. మిజోరం, మధ్యప్రదేశ్‌లలో ఒకే విడతన నవంబర్ 28న జరుగుతాయి. తెలంగాణ సహా అన్ని రాష్ట్రాల ఎన్నికల ఫలితాలను 11న ప్రకటిస్తారు.