మూడు జీవిత కాలాల జైలు శిక్ష

గతేడాది ఫిబ్రవరిలో అమెరికాలోని కన్సస్‌లో తెలుగు వ్యక్తి, సాఫ్ట్‌వేర్‌ ఇంజినీర్‌ కూచిభొట్ల శ్రీనివాస్‌ను జాతి విద్వేష కారణంతో కాల్చి చంపిన కేసులో అమెరికా నౌకాదళ మాజీ సభ్యుడు ఆడం పురింటన్‌కు కోర్టు మూడు జీవిత కాలాల జైలు శిక్షను విధించింది. కన్సస్‌లోని ఓ బార్‌లో శ్రీనివాస్, ఆయన స్నేహితుడు మాడసాని అలోక్‌ కూర్చొని ఉండగా పురింటన్‌ కాల్పులు జరిపాడు. ఈ ఘటనలో అలోక్‌తోపాటు, వారిని కాపాడేందుకు ప్రయత్నించిన మరో అమెరికా జాతీయుడికి గాయాలయ్యాయి.