పన్నెండు ప్రశ్నలలో ఒక్కటైనా సాధించారా ?సమాధానం చెప్పగలరా?-హరీష్ రావు

కాంగ్రెస్ -టీడీపీ పొత్తు నేపథ్యంలో ఉత్తమ్ కు మంత్రి హరీష్ రావు 12 ప్రశ్నలు
*తెలంగాణ వ్యతిరేక వైఖరిని వీడనాడుతానని చంద్రబాబు నుంచి హామీ తీసుకున్నారా ?
*పోలవరం 7 మండలాలను తిరిగి తెలంగాణ లో కలుపుతామని కాంగ్రెస్ ఒప్పందం కుదుర్చుకుందా ?
*సీలేరు ప్రాజెక్ట్ వెనక్కి ఇవ్వడానికి చంద్రబాబు ఒప్పుకున్నారా?ఈ ప్రాజెక్ట్ కు బదులుగా తెలంగాణ కు ఏమైనా నష్టపరిహారం ఇచ్చేందుకు బాబుతో ఒప్పందం చేసుకున్నారా?
*హైకోర్టు సత్వర విభజన సహా,ప్రభుత్వ సంస్థల విభజనలో స్తంభన తొలగించడానికి చంద్రబాబు నుంచి ఏమైనా హామీ తీసుకున్నారా?
*పోలవరం ప్రాజెక్ట్ నిర్మాణం కారణంగా కృష్ణ నీటిలో తెలంగాణకు రావాల్సిన 45 టీఎంసీల వాటా కేటాయించడానికి తమకు అభ్యంతరం లేదని చంద్రబాబుతో చెప్పించగలరా?
*తెలుగు జాతి అని మాట్లాడే చంద్రబాబు,హైదరాబాద్ సహా తెలంగాణ లోని అన్ని ప్రాంతాలకు మంచి నీళ్లు ఇవ్వడానికి తీసుకొచ్చిన మిషన్ భగీరథ పథకం ఫై కేంద్రానికి చంద్రబాబు పిర్యాదు చేశారు.మరి అది తప్పేనని పశ్చాతాపం వ్యక్తం చేస్తారా?
*విద్యుత్ శాఖలో 1200 మంది ఆంధ్ర ఉద్యోగులను విధుల్లో చేర్చుకుంటామని,తెలంగాణ ఫై ఆర్ధిక భారం తగ్గిస్తామని చంద్రబాబు తో చెప్పిస్తారా?కోర్ట్ కేసులను ఉపసంహరింపచేస్తారా?
*నిజం హయం నాటి ఆస్తులు తెలంగాణకే తప్ప ,ap కి ఉండదనే సత్యాన్ని చంద్రబాబు అంగీకరించారా?
*పోలవరం ప్రాజెక్ట్ ఎట్టు పెంచడం వల్ల భద్రాచలం రామాలయం సహా ,తెలంగాణాలో లక్షల ఎకరాలు నీట మునుగుతాయి.పోలవరం ప్రాజెక్ట్ డిజైన్ మార్చటానికి చంద్రబాబు సిద్ధంగా ఉన్నారా ?పోలవరం ఫై కాంగ్రెస్,చంద్రబాబు వైఖరులేంటి?తెలంగాణ ప్రజలకు స్పష్టం చేయగలరా?
*పాలమూర్-రంగారెడ్డి ప్రాజెక్ట్ నిర్మించేందుకు తమకు అభ్యంతరం లేదని చంద్రబాబుతో చెప్పిస్తారా?పాలమూర్-రంగారెడ్డి ఫై చంద్రబాబు వైఖరులేంటి?చంద్రబాబు వైఖరి చెప్పకుండా పొత్తు పెట్టుకుంటే అది తెలంగాణ ప్రజలకు విఘాతం కాదా?
*కాళేశ్వరం,తుమ్మిడిహట్టి,సీతారామ,తుపాకుల గూడెం,దేవాదుల,పెనుగంగ,రామప్ప-పాకాల లింకేజీ తదితర ప్రాజెక్టులపై కేంద్రానికి పిర్యాదు చేసిన చంద్రబాబు వాటిని వెనక్కి తీసుకోవడానికి ఒప్పుకున్నారా?ఆ ప్రాజెక్టులు నిర్మిస్తే తమకు అభ్యన్తరం లేదని చంద్రబాబు చెప్పగలరా?
*ఇకపై తెలంగాణకు వ్యతిరేకంగా వాదించానని ,ప్రాజెక్టులు,ఉద్యోగుల విభజన,ప్రభుత్వ సంస్థల విభజన,హైకోర్టు విభజన వంటి విషయాల్లో తెలంగాణ ప్రభుత్వానికి సహకరిస్తానని చంద్రబాబు ఒప్పుకున్నారా?
అంటూ భాణాల్లాంటి ప్రశ్నలను సంధించాడు.