జబర్దస్త్ లో ఇక ఆది కనపడడా…?

దాదాపు ఐదేళ్లుగా  ఈ-టివిలో వచ్చే జబర్దస్త్ కామెడీ ప్రొగ్రామ్ వారంలో రెండు రోజులు గురు, శుక్రవారాల్లో బుల్లితెర ప్రేక్షకులను కడుపుబ్బ నవ్విస్తోంది. జబర్దస్త్ లో చేసిన పలువురు ఆర్టిస్ట్ లు ప్రస్తుతం సినిమాల్లో కూడా ఛాన్సులు దక్కించుకుంటున్న విషయం తెలిసిందే. వీరిలో ఛమ్మక్ చంద్ర, సుధీర్, హైపర్ ఆది, ధన్ రాజ్, రాఘవ, చంటి, శేషు ఇప్పటికే పలు చిత్రాల్లో నటించారు.

జబర్దస్త్ లో తనదైన పంచ్ డైలాగ్స్ తో అలరించే హైపర్ ఆదిపై ప్రస్తుతం సోషల్ మీడియాలో ఓ వార్త వైరల్ అవుతుంది. ఆది ఇకపై జబర్దస్త్ లో కనిపించడట. జబర్దస్త్ కు అతడు గుడ్ బై చెప్పేశాడనే పుకారు షికారు చేస్తోంది.

ఇక జబర్దస్త్ లో పంచ్ డైలాగ్స్ అంటే గుర్తొచ్చేది ఆదినే. అలాంటి ఆది సడెన్ గా ఇలా మాయం అవ్వడం ప్రేక్షకులను నిరాశకు గురిచేసే అంశమనే చెప్పాలి. అయితే, ఇది కేవలం పుకారు మాత్రమేనా లేక ఆది నిజంగానే జబర్దస్త్ నుంచి తప్పుకున్నాడా అనేది తెలియాల్సి ఉంది. దీనిపై ఆది మాత్రం ఇంతవరకు స్పందించ లేదు.